چەند زانیاریەکەى گرنگ پێش کڕینى لاپتۆپ

* کۆمپیوته‌ری لاپتۆپ وه‌ک ئامێری کۆمپیوته‌ری بچووک و ئاسان بۆ گواستنه‌وه‌ ، له‌گه‌ڵ ئه‌وه‌شدا جێگه‌یه‌کی که‌م ده‌گرێت و ئاسان هه‌ڵده‌گیرێت ،که‌ئێستا به‌شێوه‌یه‌کی زۆر فراوان که‌وتۆته‌ بازاڕه‌کانه‌وه‌ به ‌جۆرێک که‌ کڕینی بووه‌ته‌ جۆرێک له‌ هیوایه‌ت لای زۆرێک له‌ به‌کارهێنه‌رانی کۆمپیوته‌ر .
لێره‌دا ئه‌وه‌ گرنگه‌ له‌کاتی کڕینی ئه‌م ئامێره‌دا به‌هه‌ڵه‌دا نه‌چین و بزانین چ جۆره‌ تایبه‌تمه‌ندییه‌ک باشه‌و له‌گه‌ڵ کاره‌که‌ماندا ده‌گونجێت،
1 :  ڕام - که‌ کاریگه‌رییه‌کی زۆری له‌سه‌ر کارکردنی کۆمپیوته‌ر هه‌یه‌ لانی که‌م ئه‌و کۆمپیوته‌ره‌ی ده‌یکڕیت ده‌بێت ڕامی له‌ 256 مێگابایت که‌متر نه‌بێت و باشتر وایه‌ له‌ جۆری (DDR) بێت نه‌ک (SDRAM) چونکه‌ له‌ خێرای گواستنه‌وه‌ی زانیارییه‌کاندا خێراتره‌،هه‌‌رچه‌نده‌ ڕامی کۆمپیوته‌ر ده‌توانرێت بگۆڕدرێت یان زیاد بکرێت به‌ڵام گرنگ ئه‌وه‌یه‌ کێشه‌ت بۆ درووست نه‌کات.
2 : پێوانه‌ی شاشه‌ - پێوانه‌ی شاشه‌ ئاسایی به‌شێوه‌یه‌کی گشتی بریتیه‌ له‌ 15 ئینج ،بێگومان زۆر پێوانه‌ی دیکه‌ی وه‌ک 15 یا ن 17 ئینج هه‌یه‌ که‌ ئه‌مانیش جیاوازی زۆریان له‌ نرخدا هه‌یه‌ .
3 : کارتی شاشه‌ - که‌ زۆر گرنگه‌ به‌تایبه‌تی بۆ ئه‌وانه‌ی به‌رنامه‌کانی وێنه‌کێشان و دیزاین به‌کارده‌به‌ن ،بۆیه‌ ده‌بێت ئه‌میش لانی که‌م 128 مێگابایت بێت ، وه‌ هه‌وڵبده‌ له‌جۆری (SHARE ) نه‌بێت که‌ تیایدا ڕام به‌شداری ده‌کات له‌گه‌ڵ میمۆری ،کاریگه‌ری له‌سه‌ر خێرای کۆمپیوته‌ره‌که‌ ده‌بێت .
4 : پرۆسێسه‌ر CPU-ئه‌م به‌شه‌یان که‌ کاریگه‌ری زۆری له‌سه‌ر خێرای کۆمپیوته‌ر هه‌یه‌ ،ئه‌گه‌ر تۆ له‌وانه‌یت که‌ پێویستییه‌کی زۆرت به‌ پرۆگرامه‌ قورسه‌کانی کۆمپیوته‌ر نییه‌ زیاتر بۆ چوونه‌ ناو ئینته‌رنێت کۆمپیوته‌ر به‌کارده‌هێنیت ئه‌وا له‌ جۆری (Celeron)کاره‌کانت جێبه‌جێ ده‌کات ، به‌ڵام جۆری (Intel Pentium 4 Mobile)که‌تایبه‌ت بۆ کۆمپیوته‌ری لاپتۆپ درووستکراوه‌ تیایدا ڕه‌چاوی به‌کارهێنانی باتری و پله‌ی گه‌رمی کراوه‌ وه‌ک جۆری (Intel Pentium) که‌ هه‌ندێک کۆمپانیا له‌ درووستکرنی لاپتۆپدا به‌کاری ده‌هێنن ، وه‌جۆرێکی تری پرۆسێسه‌ر که‌ هی کۆمپانیای (AMD)یه‌ ئه‌میش تا ئاستێکی باش گونجاوه‌ و نرخیشی زۆر به‌رز نییه‌ ،بۆیه‌ هه‌ڵبژاردنی پرۆسێسه‌ر ده‌که‌وێته‌ سه‌ر به‌کارهێنه‌ر .
5 : مۆدیۆم و کارتی تۆڕی ئینته‌رنێت (کرت الشبکە)- که‌ زۆر پێویستن بۆ به‌ستنه‌وه‌ی کۆمپیوته‌ره‌که‌ت به‌ تۆڕی ئینته‌رنێته‌وه‌ به‌تایبه‌تی هه‌ندێک میوانخانه‌ یان ئوتێل که‌ هێڵی ئینته‌رنێت بۆ میوانانی دابین ده‌کات ،له‌ڕێگه‌ی کارتی تۆڕی ئینته‌رنێته‌وه‌ به‌ئاسانی ده‌توانیت له‌ڕێگه‌ی کۆمپیوته‌ره‌که‌ته‌وه‌ بچیته‌ ناو ئینته‌رنێته‌وه‌
6 : خوێنه‌ری سیدی : که‌ ئه‌میش لانی که‌م ده‌بێت سیدی ڕایته‌ر بێت و خۆئه‌گه‌ر دیڤیدی ڕایته‌ر بێت باشتره‌
7 : کۆمپانیاکان: که‌ زۆر کۆمپانیاهه‌ن و وه‌ک DELL ، TOSHIBA ، SONY، HP
و نرخه‌کانیان جیاوازه‌ .
8 : بونی بلوتوپ و کارت ڕیده‌ر پێویسته‌ بۆ ئێستا .
هەرچەندە ئەو خاڵانەى لاى سەرەوە لە ئێستادا کەمن بۆ لاپ تۆپ بەڵام ئەوە باشترینە بۆ زانیارى
ئا/ زەردەشت على