تۆ ئێستا له‌ ناوه‌وه‌ نيت ! چوونه‌ ناوه‌وه‌

هەندێ ڕێنمایى بۆ ئەو کەسانەى کە کۆمپیوتەر زیاتر لە یەک کاتژمێر بەکاردەهێنن

١. کورسی : ده‌بێ له‌و کورسیانه‌ بێ که‌ ده‌سورێن ( دەوار ) تا له‌ کاتی به‌ کار هێنانی کومپیوتەردا له‌شمان جوله‌ی ئاسایى هه‌بێت ، ده‌بێ به‌ شێوه‌یه کی وابێ که‌ به‌رزو نزمی به‌ ئه‌ندازه‌ی قاچە‌کانمان بێت ، نه‌ به‌رزبێت نە نزم بێت به‌ شێوه‌یه‌ک که‌ بنى پێمان به‌ جوانی له‌ سه‌ر زه‌وی بێ ، ئه‌گه‌ر نه‌بوو ده‌بێ شتێک له‌ ژێر پێ یه‌ کانمان دابنێن بۆ ئه وه ی که‌توشی ئازاری چاق نه‌بین، پال پشتی کورسیه‌که‌ ده‌بێ به‌ پشتمانه‌ وه‌ بنوسێت  تا توشی پشت ئێشه‌ نه‌بین
٢. مێزی کومپیوتیر ده‌بێ پانی یه‌که‌ی له‌ ٦٠ سانتی مه‌تر که‌متر نه‌بێ ، و به‌رزی یه‌که‌ی ٧٠ سانتی مه‌تر و درێژی یه‌که‌ی له‌ ٨٠ سانتی مه‌تر زیاتر بێ .
۳. ئه گه‌ر له مێزه‌که‌ جێگه‌ی ماوس و کیبورده‌که‌ی له‌ خوار شاشه‌که‌و مونیتەره‌کەوە  بێ باشتره‌ تاکو ماسولکه کانی شان و ملمان سەربەست  بن بۆ جوڵە .
٤ . روناکی ناو ژوره‌که‌ باشترە هە بێ و ئه‌گه‌ر گڵۆ پ هه‌ڵ بکرێ له‌ ته‌نیشته‌ وه‌ بێ گونجاوترە .
٥. شتێک هه‌بێ له‌ ژێر ده‌سته‌کانمان تا له‌ کاتی به‌ کار هێنانی ماوس دا ماسولکه‌کانی جمگه‌ی ده‌ستمان سڕ نەبن و ئازاریان پی نه‌کات .
٦. ئه‌گه‌ر له‌ کاتی نوسین دابین ده‌بێ ئه‌ و لاپه‌ره‌ی که‌ ده‌مانە‌وێت بینوسین ، به‌ شێوه‌یه‌کی وا به‌ره‌ورومان دابنێین که‌ له‌ کاتی نوسینی رسته‌یه‌ک دا ناچار نه‌بین سه‌رمان بسورێنین تا ماسولکه‌کانی ملمان هیلاک نەبێت و ئازاری تێدا دروست نه‌بێ .
۷. شاشه‌ی کومپییوتەر، ئه‌گه‌ر له‌ مودیل کۆنه‌کان بوو ‌ ده‌بێ فیلته‌ری شاشه‌ی له‌ سه‌ربێ تا کارنەکاتە سەر چاوه‌کانمان توشی ئازار نه‌بین .
٨. شاشه‌که‌ ده‌بێ وا دابنرێ کەڕوو‌ لەپه‌نجه‌ره‌ی ژوره‌که‌ نه‌بێ تا کاتیک سه‌یری شاشه‌که‌ ده‌که‌ین، چاومان به‌ روناکی په‌نجه‌ره‌که‌ نه‌که‌وێ که‌ تیشکی روناکی ده‌ره‌وه‌ وتیشکی روناکی شاشه‌که‌ پێکه‌وه‌ بن کوالیتى شاشەکە کەم دەبێتەوەو وێنەکان وەک خۆى نابینین بۆیە دەبێت زیاتر لەشاشەکە ووردبینەوە ئەمەش دەبێتە هۆى ئەوەى زیان به‌ خانه‌کانی چاومان بگه‌یەنێت .
9. ده‌بێ شاشه‌که‌ له‌ چاومانه‌وه‌ ٥٥ تا ٧٥ سانتی مه‌تر دور بێ بۆ ئه‌وه‌ی که‌ نه‌بیته‌  هۆى ئاوسان و ئازارو سوور هه‌ڵگه‌رانی چاوه‌کانمان له‌ کاتی زور به‌ کار هێنانی کامپیوتیر دا
١٠. ده‌بێ پشوو بده‌ین له‌ کاتی به‌ کار هینانی کومپیوتەر دا بۆ‌ هه‌ر کاتژمێرێک به‌ کار هێنانی کومپیوتیر به‌ لانی که‌م پێنج ده‌قیقه‌ پشوو بده‌ین و له‌ کومپیوتەره‌که‌ دور بکه‌وینه‌وه باشتره‌ و هێندێک پیاسه‌ بکه‌ین له‌ ژوره‌که‌دا یان بچین چایه‌ک یان قاوه‌یه‌ک بخوینه‌وه‌ و پاشان بێینه‌وه .
١١. گه‌رمی و ساری ژوره‌که‌ گونجاو بی نه‌ زورسارد و نه‌ زور گه‌رم ، مام ناوه‌ندی بێ بۆ خوشمان و بۆ کومپیوتیره‌که‌ش باشه.
 ١٢. ماوسه‌که‌ ده‌بێت به‌ شێوه‌ی زانستیانه‌ به‌ کارببرێ کلیکی لای چه‌پ بۆ کردنه‌ وه ‌و ، کلیکی لای راست بو زانینی زانیاری یه‌کان به‌ کار ببرێ ، و به‌رده‌وام ده‌ستمان له‌ سه‌ر موسه‌که‌ نه‌بێ و ته‌نیا له‌ کاتی به‌ کار هێنان دا ده‌ستمان له‌ سه‌ر موسه‌که‌ بێ تا نه‌بێته‌ هویی ئازارو هه‌وکردنی ،ئاوسان، ماسولکه‌کانی په‌نجه‌ و مه‌چه‌کی ده‌ستمان .
١۳. شتێک هه‌بێ له‌ ژیر ده‌ستمان باشه‌ بۆ ئه وه‌ی له‌ کاتی زور به‌ کار هێنانی ماوس دا ده ‌سته‌کانمان ماندویی پێوه‌ دیارنه‌بێ .
١٤. جارو بار ده سته‌کانمان به‌رز بکینه‌وه‌ یان بیخه‌ینه‌ پشت سه‌رمان بۆ ئه‌وه‌ی سورانی خوێنی ناو ده‌ماره‌کانی ده‌ستمان بگه‌رێته‌وه‌ بۆ مێشکمان .
۱۵ . ئه‌گه‌ر بکرێ کوپی ماشین و سکانێرو شتی تر هێندیک دور بن له کومپیوتیره‌که‌ باشتره هیوای سلامه‌تی بۆ گشت تاکێکی کورد  ده‌خوازم له‌ هه‌موو قوژبنی دنیا بۆ به‌کارهێنانی ئه‌م زانسته‌ سه‌رده مییه‌ نوێ یه‌ که‌ توانی هه‌موو جیهان له‌ مالێکی بچوک دا کۆ بکاته‌وه .